Әйелдердің қоғамдағы белсенділігін арттыру – басты назарда
"AMANAT" партиясының «Әйелдер аманаты» жобасы аясында Түлкібас ауданында белсенді әйелдермен мазмұнды кездесу ұйымдастырылды.
"AMANAT" партиясы Түлкібас аудандық филиалының ұйымдастыруымен аудандық Әйелдер қанатының жетекшісі және елді-мекендерге жауапты белсенді әйелдермен кездесу өтті.
Кездесу барысында қоғамдағы әйелдердің рөлі, олардың әлеуметтік-экономикалық дамуға қосып жатқан үлесі және өзекті мәселелер кеңінен талқыланды. Сондай-ақ, әйелдер кәсіпкерлігін дамыту, отбасы құндылықтарын нығайту және жергілікті бастамаларды қолдау бағытында пікір алмасу өтті.
Іс-шараға қатысушы белсенді әйелдер өз ұсыныстарын айтып, тәжірибелерімен бөлісті. Бұл кездесудің басты мақсаты — әйелдердің қоғамдағы белсенділігін арттырып, олардың бастамаларына қолдау көрсету.
Осындай кездесулер алдағы уақытта да жалғасын табады.
