«BULANDY WOMEN TEAMBUILDING – 2026»
Макинск қаласында Ақмола облысының іскер әйелдер қауымдастығы ұйымдастырған «BULANDY WOMEN TEAMBUILDING – 2026» іс-шарасы және «Әйелдер көшбасшылығы: бірігу мен даму арқылы ілгерілеу» тақырыбындағы дөңгелек үстел өтті.
Іс-шараға AMANAT партиясының Ақмола облыстық филиалы жанындағы Әйелдер қанатының өкілдері белсенді қатысып, өз тәжірибелерімен бөлісті.
Кездесу барысында әйелдердің саясаттағы және қоғамдағы рөлі, ауыл әйелдерінің белсенділігі мен өңірлік дамуға қосатын үлесі кеңінен талқыланды. Қатысушылар өздерінің табысты жобаларын ұсынып, жаңа бастамаларға серпін берді.
AMANAT партиясы әйелдер көшбасшылығын дамыту бағытындағы жұмыстарды тұрақты түрде қолдайды.
Осындай кездесулер әйелдердің бірлігін арттырып, жаңа мүмкіндіктерге жол ашатыны атап өтілді.