КЕДЕРГІСІЗ ОРТА – ОРТАҚ ЖАУАПКЕРШІЛІК
Алматы облысында «Әділет» партиясы Талғар аудандық филиалының ұйымдастыруымен мүгедектігі бар азаматтар үшін әлеуметтік нысандардың қолжетімділігін қамтамасыз ету мақсатында пандустардың жай-күйіне мониторинг жүргізілді
«Әділет» партиясының сайлауалды бағдарламасындағы маңызды бағыттардың бірі – мүмкіндігі шектеулі азаматтар үшін қолжетімді әрі кедергісіз орта қалыптастыру. Осы бағыттағы жұмыстар аясында Талғар ауданында азаматтар көп шоғырланатын мемлекеттік мекемелер мен халыққа қызмет көрсету нысандарына мониторинг жүргізілді.
Бүгінгі таңда аудан бойынша 39 нысан мүмкіндігі шектеулі азаматтар үшін бейімделген. Алдағы кезеңде азаматтар көп баратын 17 нысанға кезең-кезеңімен мониторинг жүргізу жоспарланып отыр.
Мониторинг барысында нысандардың мүмкіндігі шектеулі азаматтар үшін қолжетімділігі, қауіпсіздік талаптарына сәйкестігі және кедергісіз кіруге жасалған жағдайлары зерделенді. Анықталған кемшіліктер бойынша жауапты мекемелерге тиісті ұсыныстар беріліп, оларды жою бағытында жұмыстар ұйымдастырылатын болады.
Қолжетімді орта қалыптастыру – әрбір азаматтың қоғам өміріне тең қатысуына мүмкіндік беретін маңызды қадам. Бұл бағыттағы мониторинг жұмыстары алдағы уақытта да өз жалғасын табатын болады.
