КӨШБАСШЫ БОЛУДЫҢ ПСИХОЛОГИЯСЫ
«AMANAT» партиясы Жетісай аудандық филиалы жанындағы Әйелдер қанатының кезекті семинары өтті. «Көшбасшы болудың психологиясы» тақырыбында, "Әйелдер қанаты" мүшелерінің ұйымдастыруымен, "АМАNАТ" партиясы Жетісай аудандық филиалының мәжіліс залында кеңейтілген отырысы өткізілді. Жетісай ауданы "Әйелдер қанатының" жетекшісі Ақтөреева Қаршыға Адеханқызы отырысты жүргізді.
Іс-шараның негізгі мақсаты – әйелдердің көшбасшылық қабілеттерін дамыту, тұлғалық өсуіне ықпал ету және қоғамдық-саяси белсенділігін арттыру болды. Семинар барысында көшбасшылықтың психологиялық қырлары, өзін-өзі дамыту, тиімді қарым-қатынас орнату және командамен жұмыс істеу мәселелері талқыланды.
Семинар өзара тәжірибе алмасуға, қатысушылардың көшбасшылық әлеуетін арттыруға және әйелдердің қоғамдық өмірдегі рөлін күшейтуге зор мүмкіндік берді. Іс-шара барысында көтерілген мәселелер қатысушылар тарапынан қолдау тауып, алдағы уақытта Әйелдер қанаты аясында осындай мазмұндағы кездесулерді жүйелі түрде өткізу қажеттігі атап өтілді.
