Құқықтық сауаттылықты арттыру
Партия жанындағы әйелдер қанатының құқықтық сауаттылық бағытына жауапты өкіл ретінде 29 сәуір күні Көкшетау қаласының тарих музейінің ұжымымен кездестім. Музей ғимаратына байланысты бірқатар мәселелер бар. Бұл – өңірдің өткенін сақтап, ұлттық құндылықтарды насихаттап отырған маңызды мәдени орын.
Музей ғимараты 1880 жылы салынған, бүгінде тарихи нысан ретінде ерекше қорғауды қажет етеді. Алайда ғимараттың тозығы жетіп, күрделі жөндеуді талап етеді.
Музей қорында көптеген құнды жәдігерлер сақталған. Дегенмен оларды тиісті деңгейде сақтау мен көпшілікке ұсыну үшін орын жеткіліксіз. Осыған байланысты заманауи көрме павильонының қажеттілігі айқын сезіледі.
Музей басшылығымен алдағы жиын отырыстарында қарастыру үшін бірқатар мәселелерді талқыладық.