МЕЙІРГЕР – МЕЙІРІМ МЕН ШИПАНЫҢ ИЕСІ
Аудандық Руханият орталығында Қазалы аудандық әйелдер кеңесінің, «AMANAT» партиясы аудандық филиалы жанындағы Әйелдер қанатының ұйымдастыруымен және "Сауал" қоғамдық бірлестігінің демеушілігімен 12 мамыр-халықаралық Мейіргерлер күніне орай денсаулық сақтау саласындағы мейіргерлермен кездесу өткізілді.
Шара барысында Қазалы аудандық әйелдер кеңесінің төрайымы, аудандық филиал жанындағы Әйелдер қанатының жетекшісі Роза Шорақызы мейіргер аналарды кәсіби мерекесімен құттықтап, ақ халатты абзал жандарға "AMANAT" партиясы аудандық филиалының төрағасы Ғ.Әліштің Алғыс хаттарын және "Сауал" қоғамдық бірлестігінің демеушілігімен жасалған сый-сияпаттарды табыстады.
Шара барысында ақ халатты абзал жандар өз қызметтерінің қиында қызықты жағдайларын ортаға салып, ой бөлісіп, тәжірибе алмасты.
Кеш соңында аудандық мәдениет орталығының өнерпаздары әннен шашу шашып, шара қонақтарына көтеріңкі көңіл-күй сыйлады.