Мүмкіндіктері шектеулі жандардың әлеуметке кірігуіне жәрдемдесу бағытының жетекшісінің ұйымдастыруымен "Жырлары жүректі жаулаған" атты әдеби сазды поэзиялық кеш

Дүниежүзілік кітап және авторлық құқық қорғау күні жыл сайын 23 сәуірде атап өтіледі. Мақсаты - кітап оқуды дамыту және авторларды құрметтеу. Осындай айтулы шараға орай, Оңалту орталығында, Сыр өңірінің тумасы, ақын, аудармашы Шөмішбай Нағашыбайұлы Сариевтің 80 жылдығына арналған "Жырлары жүректі жаулаған" атты әдеби сазды поэзиялық кеш өтті. Кешке N1, N2 арнаулы әлеуметтік қызметтер көрсету және балалар орталықтарының қызмет алушылары қатысып, Ш.Сариевтің өлеңдерін оқып, ақынның сөзіне жазылған әндерін көрермендер қосыла орындап кештің өз дәрежесінде өтуіне зор үлестерін қосты. Кеш соңында қатысушы орталықтардың кітапхана қорына, ерекше жандарға Сыр елінде жасалынып жатқан түрлі бағыттағы қолдаулар нәтижесінде жеткен жетістіктері мен өмір жолдары, өзге жандарға үлгі болу мақсатында жазылған “ҚАЙСАРЛЫҚТЫ ҮЛГІ ЕТКЕН ЖЕТІ ТАҒДЫР” атты кітап сыйлыққа тартылып, орталық директоры атынан алғыс хаттар табысталды. Кештің жоғары денгейде өтуіне ат салысқан барша қонақтарға зор алғыс білдіреміз.