САРЫАҒАШ АДАНЫНДА ОТБАСЫ – МЕМЛЕКЕТ ТІРЕГІ: «ӘДІЛЕТ» ПАРТИЯСЫ САРЫАҒАШТА ІРГЕЛІ ҚАЙЫРЫМДЫЛЫҚ АКЦИЯСЫН ӨТКІЗДІ
«Әділет» партиясы Сарыағаш аудандық филиалы «Әйелдер қанатының» ұйымдастыруымен «Отбасы» күніне орайластырылған ауқымды қайырымдылық акциясы өтті. Іс-шара аясында аудандағы әлеуметтік қолдауды қажет ететін бірнеше отбасының шаңырағына барып, күнделікті тұрмысқа қажетті азық-түлік себеттері табысталды.
Партияның басты құндылығы — әрбір азаматтың әлеуметтік әл-ауқатын арттыру және қоғамдағы ынтымақтастықты нығайту. Бұл бастаманың басы-қасында жүріп, халықпен тікелей байланыс орнатқан аудандық мәслихат депутаттары Қайрат Пердекулов пен Руслан Насыров, сондай-ақ «Әйелдер қанатының» аудандық жетекшісі Гүлжазира Ізбасарова және белсенді мүшесі Дильфуза Мауленова тұрғындардың мұң-мұқтажына құлақ түріп, шынайы қамқорлық көрсетті.
Мұндай іс-шаралар — жай ғана бірреттік көмек емес, мемлекет пен қоғам арасындағы сенім көпірін бекітетін, отбасы институтын қолдауға бағытталған жүйелі жұмыстың көрінісі.
«Әділет» партиясы әрқашан халықпен бірге және әрбір шаңырақтың берекелі болуын жақтайды
