САЙРАМ АУДАНЫНДА ОТБАСЫ КҮНІ АТАП ӨТІЛДІ
Республикамызда жыл сайын қыркүйек айында "Отбасы күні" атап өтіледі. Мақсаты, Отбасы күнін мерекелеу - отбасын қоғамның іргелі негізі ретінде нығайтуға, ата-аналардың бала тәрбиесіндегі жауапкершілігін арттыруға, отбасылық құндылықтарды қолдауға және әрбір отбасының әл-ауқаты үшін жағдай жасауға бағытталған мемлекеттік саясаттың маңызды бөлігі болып табылады.
Бүгін, "Әділет" партиясы Сайрам аудандық филиалының ұйымдастыруымен, "Әйелдер қанаты" жетекшісі Шынар Кенжебекова және әйелдер қанатының мүшелері, бір мезетте ерекше назар мен қолдауды қажет ететін шаңырақтарды аралауды бағыттап, бір күндік Республикалық мерекелік күнді Сайрам ауданында өткізді.
Бірінші болып, Сайрам ауданы, Жібек Жолы ауылының тұрғыны, 9 баланың анасы "Алтын Алқа" иегері, көп балалы Айнұр Жакипованың шаңырағына барып, отбасымен әңгіме-сұхбат жүргізді. Кездесу барысында, отбасы мүшелері жанұядағы қызықты сәттермен бөлісіп, берік отбасылық ұстанымдары, салт-дәстүрді дәріптеуі және отбасы құндылықтары туралы ойларын ортада бөлісті. Татұлық пен сыйластықты берік ұстанған отбасының өнегелі өмір жолы көпшілікке үлгі болды.
Сонымен қатар, Ақсукент, Қарасу, Ақбастау ауылының тұрғындары, көп балалы аналарды үйлеріне барып құттықтады. Әулеттің ең үлкені Раушан апа ақ батасын берді. Өз кезегінде Шынар Қонысбекқызы, отбасы - адамға жылу мен қолдау сыйлайтын, қуаныш пен қиындықты бірге бөлісетін ең қымбат құндылық екенін атап өтті. Өнегелі отбасылардың өмірлік тәжірибесі жас ұрпаққа үлгі болып, отбасылық құндылықтарды дәріптеуге ықпал етеді деп, отбасы күнімен шын жүректен құттықтады.
Мерекелік шарада, ата-аналар мен балаларға сый-сияпаттар және тәттілер себеттері таратылды. Көп балалы аналар тарапынан ұйымдастырушыларға жылы лебездерін білдіріп, мың алғыстарын жеткізді.
