Алматы облысының Әйелдер қанатының төрайымы Мәтібұлақ ауылында халықпен кездесу өткізді
Кездесу барысында ауылдың бүгінгі тыныс-тіршілігі мен өзекті мәселелері талқыланып, тұрғындардың ұсыныс-пікірлері тыңдалды.
Сонымен қатар, AMANAT партиясының «Халықпен бірге!» сайлауалды бағдарламасы аясында өңірде жүзеге асырылып жатқан жұмыстар туралы баяндалды. Атап айтқанда, жол сапасын жақсарту, әлеуметтік инфрақұрылымды дамыту, ауыл тұрғындарының өмір сүру сапасын арттыру бағытында атқарылып жатқан жұмыстарға тоқталдық.
Сондай-ақ депутаттық қызмет аясында көтерілген мәселелер бойынша қабылданған нақты шешімдер мен атқарылған жұмыстар жөнінде ақпарат берілді.
Ең бастысы — тұрғындар ашық пікір білдіріп, ауылға қатысты өзекті мәселелерді ортаға салды. Барлық ұсыныстар мен көтерілген мәселелер назарға алынып, алдағы уақытта тиісті жұмыстар жүргізілетін болады.
Халықпен тұрақты байланыс — ортақ мәселелерді бірлесіп шешудің маңызды жолы.