Арт-Терапия
ПЕДАГОГТЕРГЕ АРНАЛҒАН АРТ-ТЕРАПИЯ ОТЫРЫСЫ ӨТТІ
Бүгін «JAN AHUAL» психологиялық қолдау орталығында «Инсайт» ресурс клубы аясында педагогтердің психологиялық саулығын сақтауға, кәсіби күйзелістің алдын алуға бағытталған «Бояулар әлемі» тақырыбындағы арт-терапиялық кездесу өтті.
Іс-шара барысында мұғалімдер сурет салып, арт-терапия арқылы ішкі күйін ашып, эмоцияларын бояулармен жеткізді. Бұл – жан дүниені тыныштандырып, кәсіби шаршаудың алдын алуға арналған тиімді әдістердің бірі.
Ақтөбе облыстық білім бөлімінің басшысы Б. Күзембаева қатысушыларға сәттілік тіледі.
Кездесуге Жұлдыз Қожабекова қатысып, «AMANAT» партиясы Әйелдер қанатының психологиялық қызмет институтын қолдау бағыты аясында педагогтерге жылы лебізін білдірді.
Іс-шараның модераторы — «JAN AHUAL» психологиялық қолдау орталығының директоры М.Жубандыкова өз сөзінде бұндай іс-шаралардың педагогтер үшін маңыздылығына тоқталды.
Қонақтар қатарында «Өрлеу» БАО директоры Н.Абишева мен Бала құқықтарын қорғау басқармасының басшысы А.Тұрсынғалиұлы болды.
Жанға демеу, ойға серпін берген мазмұнды кездесу болды.