«Қарызсыз қоғам» жобасы аясындағы жұмыс жалғасуда
Әйелдер қанаты «Қарызсыз қоғам» жобасы аясында қаржылық сауаттылықты арттыруға бағытталған тегін оқыту курстарын жалғастыруда.
Бүгін Отбасын қолдау орталығына бардық.
«Қарызсыз қоғам» жобасы аясындағы жұмысымызды жалғастырып келеміз. Жобаның негізгі мақсаты — тұрғындардың қаржылық сауаттылығын арттыру.
Орталыққа жүгініп, жеке қаржы мәселелері бойынша білімін күшейтуге ниет білдірген әйелдер Әйелдер қанаты ұйымдастыратын тегін оқыту курсынан өте алады.
Курстар барысында отбасылық бюджет жүргізу, қаржылық міндеттемелер, несие жүктемесі және қаржылық тұрақтылық мәселелері қарапайым әрі түсінікті тілде түсіндіріледі.
Басты мақсатымыз — формалды іс-шара өткізу емес, адамдарға өмірде сенімділік пен тұрақтылық беретін нақты көмек көрсету.
Жұмыс жалғасады.