«Мобильді керуен» Ақмола облысында: сайлауалды үгіт-насихат жұмыстары жалғасуда
«Мобильді керуен» Қазақстан өңірлеріне сапарын жалғастырып жатыр. Бұл жолы керуенді Ақмола облысының тұрғындары ерекше қонақжайлықпен қарсы алды.
Сапар аясында «Әділет» партиясының сайлауалды үгіт-насихат жұмыстары да ұйымдастырылып, тұрғындармен тікелей кездесулер өткізілді. Партия өкілдері өңір тұрғындарына партияның сайлауалды бағдарламасының негізгі бағыттарын таныстырып, азаматтардың ұсыныстары мен өзекті мәселелерін тыңдады.
«Мобильді керуеннің» басты ерекшелігі – халықпен тікелей байланыс орнатып, елді мекендердегі азаматтардың пікірін, ұсыныстары мен мәселелерін жергілікті жерде тыңдау.
Ақмола облысындағы кездесулер барысында тұрғындар әлеуметтік мәселелер, инфрақұрылым, жұмыспен қамту, жастарды қолдау және ауылдық аумақтарды дамыту бағыттарындағы өзекті мәселелерін көтерді.
«Әділет» партиясы үшін халықпен ашық диалог – сайлауалды жұмыстың маңызды бөлігі. Мұндай кездесулер партияның бағдарламалық бағыттарын түсіндірумен қатар, тұрғындардың нақты ұсыныстарын ескеруге мүмкіндік береді.
«Мобильді керуеннің» Ақмола облысындағы сапары – халықпен бірге, өңірлердің тыныс-тіршілігін жергілікті жерде зерделеуге бағытталған жұмыстардың жалғасы.