Отбасы – мейірім мен жылулықтың мекені

Отбасы күні қарсаңында, 11 қыркүйекте «Әділет» партиясы Әйелдер қанатының мүшелері еліміздің барлық өңірінде бір мезетте ерекше назар мен қолдауды қажет ететін отбасыларға бағытталған республикалық акция өткізеді.

Акцияның басты мақсаты – қиын жағдайға тап болған шаңырақтарға көңіл бөліп, олардың мұң-мұқтажына құлақ асу, қажетті қолдау көрсету және әр отбасы өзін қоғамның маңызды бөлігі ретінде сезінуіне мүмкіндік жасау.

Бұл күні Әйелдер қанатының өкілдері отбасылардың жағдайымен танысып, жылы лебіздерін білдіріп, мүмкіндігінше қажетті көмек көрсетеді.

Отбасы – қоғамның тірегі. Ал отбасыға көрсетілген қамқорлық – болашаққа жасалған маңызды қадам.

Бір күндік акция аясындағы әрбір кездесу – жай ғана көмек емес, бұл адамға деген құрмет, жанашырлық пен қолдаудың көрінісі.

Біз үшін әр шаңырақтың берекесі, әр баланың бақытты күлкісі және әр отбасының ертеңге деген сенімі маңызды.

Қамқорлықтан – қуат, бірліктен – береке!