Qolqanat жобасы аясында «Ішкі тірек» кездесуі ұйымдастырылды

Щучинск қаласында «Ішкі тірек» инклюзивті тренингі өтті

Бүгін Щучинск қаласының Мәдениет үйінде Qolqanat әлеуметтік жобасы аясында «Ішкі тірек» атты инклюзивті практикалық кездесу-тренинг өтті.

Кездесуге ерекше білім беру қажеттіліктері бар және мүгедектігі бар балалардың ата-аналары, көпбалалы, асырап алушы және патронаттық ата-аналар, толық емес отбасылардың өкілдері, сондай-ақ педагогтер, психологтар, әлеуметтік педагогтер және инклюзия саласында қызмет ететін мамандар қатысты.

Тренинг барысында эмоционалдық интеллект, күйзелістің алдын алу, стресс жағдайына төзімділік, өз көңіл-күйі мен жағдайын түсіну және ішкі ресурсты уақытылы қалпына келтіру мәселелері талқыланды.

Qolqanat жобасының авторы атап өткендей, инклюзия – бұл тек балаға қолдау көрсету жүйесі емес. Әр баланың артында отбасы, ал оның жанында ата-анасы, педагогтері мен мамандары бар. Оларға да қолдау, назар және өз күшін қалпына келтіретін орта қажет.

Кездесу барысында қатысушылар практикалық жаттығулар орындап, өз тәжірибелерімен бөлісіп, пікір алмасты. Ең бастысы – әрқайсысы өзінің жалғыз емес екенін, қолдау әрдайым бар екенін сезінді.

Өзіңді тыңдай білу – ішкі тіректің бастауы. Ал өзіңе қамқорлық жасау арқылы өзгелерге қолдау көрсетуге күш табамыз.

#Qolqanat #ІшкіТірек #Инклюзия #Әділет #Щучинск