Цифрлық қоғам: Қарағандыда мемлекеттік қызмет сапасына мониторинг жүргізілді
«Цифрлық қоғам» және «Шексіз мүмкіндік» бастамалары аясында Қарағанды қаласындағы ХҚКО-ларда мемлекеттік қызметтердің сапасы мен қолжетімділігіне мониторинг жүргізілді. Ерекше назар жасанды интеллект технологияларының қызмет көрсету сапасын арттырудағы рөліне аударылды.
Бүгін «Цифрлық қоғам» Дней цифровизации және «Шексіз мүмкіндік» бастамасы аясында «AMANAT» партиясының Қарағанды облыстық филиалы әйелдер қанатының мүшелері Дүйсембаева С.Ж. және Платонова М.С. Тәттімбет көшесі, 709 және Жамбыл көшесі, 2 мекенжайларында орналасқан Халыққа қызмет көрсету орталықтарына барып, жұмыс барысымен танысты.
Іс-шараның негізгі мақсаты – мемлекеттік қызметтердің сапасын мониторингтеу және барлық санаттағы азаматтар үшін сервистердің қолжетімділігін бағалау болды.
Сапар барысында цифрландыру үдерістеріне, соның ішінде жасанды интеллект технологияларын енгізуге ерекше назар аударылды. Бүгінде ЖИ:
– деректерді өңдеу жылдамдығын арттыруға,
– күнделікті қайталанатын процестерді автоматтандыруға,
– кезектер мен күту уақытын қысқартуға,
– құжаттарды тану дәлдігін жақсартуға ықпал етуде.
Цифрлық шешімдердің тиімділігі айқын көрініс табуда. Бұл – технология адам игілігіне қызмет ететін сервистік мемлекет моделіне жасалған сенімді қадам.
Сапар барысында ХҚКО басшылығы мен қызметкерлеріне ашықтықтары, түсіндіру жұмыстары және сындарлы диалогқа дайындықтары үшін алғыс білдірілді. Қарағандылықтардың өмір сапасын арттыру бағытындағы жұмыс одан әрі жалғасатын болады.