Жан азығы – жақсы кітап, ұлт болашағы – парасат!
Бүгін Ақтауда өткен «Кітап керуені» рухани әсерге толы ерекше шара болды. Роза Мұқанова мен Оңайгүл Тұржан сынды зиялы тұлғалармен кездесу, жаңа кітаптардың тұсаукесеріне қатысу — үлкен әсер сыйлады. Кітап — ұлт руханиятының негізі. Осындай игі бастамалар жастардың кітапқа деген қызығушылығын арттырып, рухани құндылықтарды дәріптей түседі. Ақтау бүгін кітап пен парасаттың ордасына айналды!
https://www.facebook.com/share/p/1DC3YrtTkY/
Бүгінгі шара — парасат пен тағылымның салтанаты болды.
Роза Мұқанова мен Оңайгүл Тұржан сынды ұлт руханиятының биік тұлғаларын тыңдау — үлкен мектеп. Әр сөзінде — тереңдік, әр ойында — тағылым жатыр.
Роза Мұқанованың драматургиясы — тұтас бір әлем. Оның шығармаларындағы рухани тазалық, тағдыр тартысы мен адам жанының иірімдері бүгінгі қоғамға аса қажет құндылықтарды дәріптейді.
Күннің ең әсерлі сәттерінің бірі — Оңайгүл Тұржан апамыздың жаңа кітабының тұсаукесері болды. Бұл жай ғана таныстырылым емес, автор мен оқырманның жүрек сырласуы іспетті әсер қалдырды. Автордың өз қолынан қолтаңба алып, ақ тілегін есту — мен үшін үлкен мәртебе.
Бұл керуеннің ең үлкен мәні — ұрпақ сабақтастығында.
Жас оқырмандардың көзінен білімге деген құштарлықты көру — ерекше қуаныш. Біз келер ұрпаққа материалдық байлықтан бұрын кітапқа деген сүйіспеншілікті мұра етіп қалдыруымыз керек.
Қуантқан тағы бір жайт — жергілікті ақын-жазушыларымыздың қолдауға ие болуы. Сырлы поэзиясымен танылған Гүлайым Дәуітбай, Анар Шамшадинова, сондай-ақ өңір әдебиетінің көрнекті өкілдері Нағбду Қамарова мен Бақтыбай Жайлау сынды қаламгерлеріміздің болуы — үлкен мақтаныш.
