«ӘДІЛЕТ» ПАРТИЯСЫ ЖЕТІСУ ОБЛЫСЫНДАҒЫ САЙЛАУАЛДЫ ШТАБ ЖҰМЫСЫН ҚОРЫТЫНДЫЛАДЫ

«ӘДІЛЕТ» ПАРТИЯСЫ ЖЕТІСУ ОБЛЫСЫНДАҒЫ САЙЛАУАЛДЫ ШТАБ ЖҰМЫСЫН ҚОРЫТЫНДЫЛАДЫ

Бүгін Талдықорған қаласында «Әділет» партиясы Жетісу облыстық филиалының сайлауалды штабының қорытынды жиыны өтті.

Сайлауалды науқан кезеңінде өңірде партияның сайлауалды бағдарламасын таныстыруға, тұрғындармен тікелей кездесулер өткізуге және ақпараттық-түсіндіру жұмыстарына басымдық берілді.

Осылайша 205 мыңнан сайлаушыны қамтып, 1 018 іс-шара өткізілді.

Өңірде 1 облыстық, 2 қалалық және 8 аудандық штаб жұмыс істеді. Штаб жұмысына 346 мүше, оның ішінде облыстық штаб құрамына 74 белсенді азамат тартылды.

Сайлау процесінің ашық әрі заң талаптарына сай өтуіне 1 284 сенімді өкіл мен 428 байқаушы қатысты.

Сайлау күні Жетісу облысында сайлаушылардың қатысу көрсеткіші 91,19 пайызды құрап, өңір республика бойынша 2-орынға ие болды.

«Жетісу облысындағы жоғары көрсеткіш — сайлауалды штаб мүшелерінің үйлесімді жұмысы мен азаматтардың белсенділігінің нәтижесі», — деді «Әділет» партиясы Жетісу облыстық филиалының төрағасы Амангелді Есбай.

Қорытынды жиын барысында сайлауалды науқанды ұйымдастыруға және өткізуге белсенді қатысқан азаматтарға «Әділет» партиясының төрағасы Айбек Дәдебайдың атынан алғыс хаттар табысталды.