Бейбітшілік пен бірлік – еліміздің ең асыл құндылығы
Мойынқұм ауданында Қазақстан халқының бірлігі күніне орай этнос өкілдерінің қатысуымен бейбітшілік, достық және қоғамдық келісім құндылықтарын насихаттауға арналған кездесу өтті.
Мойынқұм ауданында Қазақстан халқының бірлігі күніне орай «Бейбітшілік – ел тілегі!» атты салтанатты кездесу өтті. Іс-шара «AMANAT» партиясы аудандық филиалы жанындағы Әйелдер қанатының жетекшісі, аудандық мәслихат депутаты Ғалия Шубаеваның жетекшілігімен ұйымдастырылды.
Кездесуге түрлі этнос өкілдері қатысып, елдегі татулық, достық пен ынтымақтың маңызы кеңінен әңгімеленді. Ғалия Шубаева бүгінде Қазақстанда 130-дан астам ұлт пен ұлыс өкілдері бір шаңырақ астында тату-тәтті өмір сүріп жатқанын атап өтіп, қоғамдағы бірлік пен тұрақтылықты нығайтудағы Әйелдер қанатының жұмысына тоқталды. Шара соңында қатысушыларға мерекелік лебіз білдіріліп, алғыс айтылып, шағын сыйлықтар табысталды.
