КІТАП ОҚИТЫН ҰЛТ – ЗИЯТКЕРЛІК ҚОҒАМНЫҢ НЕГІЗІ
«Әділет» партиясы Әйелдер қанаты «Кітап оқитын ұлт» марафонының ашылу салтанатына қатысты
Кітап оқу – адамның рухани байлығын арттырып, ой-өрісін кеңейтетін, білімге деген қызығушылығын қалыптастыратын маңызды құндылық. Мемлекет басшысы Қасым-Жомарт Тоқаев «Озық ойлы ұлт болудың ең төте жолы – кітап оқу» деп, қоғамда оқу мәдениетін қалыптастырудың маңыздылығын атап өткен болатын.
Бүгінде елімізде кітап оқуға деген қызығушылықты арттыруға, балалар мен жастардың таным көкжиегін кеңейтуге бағытталған түрлі бастамалар жүзеге асырылуда.
Осындай игі бастамалардың бірі – Байзақ ауданы №1 мектеп-гимназиясында өткен «Кітап оқитын ұлт» марафонының ашылу салтанаты.
Іс-шараға «Әділет» партиясы Әйелдер қанаты жетекшісінің орынбасары Д. Ускумбаева қатысып, кітап оқудың жас ұрпақтың білімді, ойлы әрі ізденімпаз болып қалыптасуындағы маңызына тоқталды. Барша жерлестерімізді кітап оқуға, білімге ұмтылуға және «Кітап оқитын ұлт» марафонына белсенді қатысуға шақырды.
«Әділет» партиясының Әйелдер қанаты үшін өскелең ұрпақтың сапалы білім алуы, рухани дамуы және қоғамдағы белсенділігі – маңызды.
