Қыз тәрбиесі – ұлт болашағы
Қордай ауданында өткен ток-шоуда ұлттық құндылықтар, отбасы тәрбиесі, қыздардың денсаулығы мен құқықтары мәселелері талқыланды.
Қордай аудандық филиалы жанындағы Әйелдер қанаты «Қыз – ұлттың ұяты, тәрбиенің айнасы» атты ток-шоу ұйымдастырды. Оған 8-сынып оқушылары, аудандық аналар кеңесінің мүшелеқрі қатысты.Жиында ұлттық құндылықтар, отбасы тәрбиесі және қыздардың денсаулығы мен құқығы кеңінен талқыланды. Шараға арнайы қатысқан спикерлер:Аналар кеңесінің мүшелері, Дағдарыс орталығының директоры Ш. Бейсенбаева, Гинеколог маман Ш. Қадыржанқызы денсаулық сақтау және тазалық мәдениеті жайында маңызды ақпараттармен бөлісті.
Кештің ерекше сәті — Өтеген ауылынан келген қолөнерші Бибігүл Иманбаеваның құрақ құраудан өткізген шеберлік сағаты болды. Әйелдер қанатының жетекшісі Қ. Қыпшақбаева ұлттық өнерді дәріптеген ақ жаулықты анаға ерекше алғыс білдіріп, сый-құрмет көрсетті.Қыз тәрбиесі — бүкіл ұлттың тәрбиесі. Бұл бағыттағы жұмыстар алдағы уақытта да жалғасын табады!