«Өнегелі өрнек – ғұмыры өнеге»
Мәдениет пен өнер саласында талай жыл еңбек етіп, өшпес із қалдырған ардагерлерге арналған ерекше кездесу кеші өтті.
Талас аудандық Әйелдер қанатының жетекшісі Анар Алтынбекованың жетекшілігімен Ұлбике ақын атындағы мәдениет орталығымен бірлесіп ұйымдастырылған тағылымды шарада ардагерлерге құрмет көрсетіліп, ізгі тілектер айтылды.
Кеш барысында қонақтар ән айтып, естеліктерімен бөлісті. Өнер жолындағы қызықты сәттерін еске алып, кейінгі буынға ақыл-кеңестерін жеткізді.
Жылы жүздесуде өткен күндер еске алынып, ән мен әңгіме тоғысты. Бұл кеш – ардагерлерге деген құрметтің, өнерге деген сүйіспеншіліктің және ұрпақтар сабақтастығының жарқын көрінісі болды.
Өнерге адал ғұмыр кешкен ардагерлеріміздің өнегелі жолы – кейінгі ұрпаққа аманат. Асыл жандарымызға зор денсаулық, ұзақ ғұмыр тілейміз!
