«Шексіз мүмкіндіктер» жобасының отырысы
«Шексіз мүмкіндіктер» жобасының алдағы жоспарлары талқыланды
https://www.facebook.com/share/p/1CktXQATNQ/
«Шексіз мүмкіндіктер» жобасының алдағы жоспарлары талқыланды
«AMANAT» партиясы Әйелдер қанатының «Шексіз мүмкіндіктер» қосалқы жобасы аясында ерекше білім беру қажеттіліктері бар 9–11-сынып оқушыларын қолдау жұмыстары бойынша отырыс өтті.
Жиында жобаның мақсаты мен міндеті түсіндіріліп, облыстық білім басқармасымен бірлесіп өткізетін іс-шаралар пысықталды. Партияның Маңғыстау облыстық филиалы жанындағы «Әйелдер қанатының» жетекшісі Пания Сармурзинаның айтуынша, алдағы уақытта жоба аясында түлектер мен ата-аналарға түсіндіру, кеңес беру кездесулері ұйымдастырылып, сұранысқа ие мамандықтар туралы ақпарат беріледі. Әр оқушының қабілеті ескеріліп, кәсіби бағдарлау жұмыстары жүргізіледі. Ата-аналарға баланың болашағын жоспарлау бойынша әдістемелік және психологиялық қолдау көрсетіледі.
Сонымен қатар білім басқармасы мен колледждер бірлесіп, арнайы сыныптар құру, ортақ база қалыптастыру, бейімделген білім беру бағдарламаларын әзірлеу және жұмысшы топ құру жұмыстарын жүзеге асырады. Ал жұмыспен қамту орталығы түлектерді оқуын аяқтағаннан кейін жұмысқа орналастыру шараларын ұйымдастырады.
Айта кетейік, «Шексіз мүмкіндіктер» жобасының негізгі мақсаты – түлектерді колледждерге орналастырып, кейін жұмыспен қамту арқылы олардың қоғамға бейімделуіне жағдай жасау.