Жақсылыққа бастар «Нық қадам»
«Әділет» партиясының «Мектепке нық қадам» акциясы аясында Әйелдер қанатының белсенділерімен бірге әлеуметтік жағдайы төмен және аз қамтылған отбасылардың балаларына қолдау көрсетілді. Ізгі шараға «Әділет» партиясының өкілдері, Әйелдер қанатының белсенділері, мәдениет саласының басшылары мен кәсіпкерлер атсалысты.
«Әділет» партиясының «Мектепке нық қадам» акциясы аясында әлеуметтік жағдайы төмен және аз қамтылған отбасылардың балаларына қолдау көрсетілді.
Балалардың жаңа оқу жылына жақсы көңіл-күймен қадам басуына үлес қосу мақсатында әр балаға 30 000 теңгеден қаржылай көмек табысталды.
Сонымен қатар, балалардың бос уақытын мазмұнды әрі қызықты өткізуіне мүмкіндік жасау үшін оларға Н.Жантурин атындағы Маңғыстау облыстық музыкалық-драма театрына және Әбіш Кекілбайұлы атындағы Маңғыстау облыстық тарихи-өлкетану музейіне билеттері мен “Bulka” кондитерлік дүкенінен балаларға арнайы тәттілер табысталды.
Ізгі шараға партия төрағасы И. Мұхитұлы, Әйелдер қанатының кеңесшісі П. Оңалбайқызы, Әйелдер қанатының белсенділері, Н. Жантөрин атындағы музыкалық-драма театрының директоры А.Нұрбауұлы, Әбіш Кекілбаев атындағы Маңғыстау облыстық тарихи-өлкетану музейінің директоры Э.Амангелдиевна және BBJ Group пен Кулан и К мекемесінің басшылары атсалысты.
Балаға көңіл бөлу — үлкен жауапкершілік, ал оның жүзіндегі қуаныш — ең үлкен сый.
Әр бала бақытты балалық шаққа, сапалы білімге және жарқын болашаққа лайық!
«Мектепке нық қадам» — жаңа оқу жылына қолдау ғана емес, балаларға деген қамқорлық пен мейірімнің нақты көрінісі.